窩心的鍋心粥底火鍋

又係時候來個大學同學聚會。
天氣有些少凍，一大班人食個粥底火鍋係一個唔錯既選擇。
今次地點係佐敦鍋心粥底火鍋，一去到門口已經有好多人等位。唔一早Book就可能要去好夜先有位。

聽同學講依到個食法很特別，要跟住Step 去做先好食。但對我黎講，點煮點食係我話事。

依張係自選Menu
頭兩樣係已經準備。時令海鮮係每日不同。今次有蛤公、鮑魚、魚蝦蟹同埋蚌。
由於有2個爐，所以可以叫到10款配料。
叫左: 雞骨丸、黑毛豬腩片、肥牛、貢丸、花膠仔、魚腐、魚片頭、王芽白菜、魚皮餃同埋響鈴。

未食之前，送上一小盤沙律。麻醬略為不足，香味不足。

食完沙律之後送上粥水作為火鍋湯底同埋為最後海鮮精華粥作準備。個煲可以放心，因為唔會有煲燶粥既情況出現，但都要時不時攪動一下個底。

跟住主角陸續出場 !!!

大大隻既蟹 !!! (完隻冇整碎蟹殼，原因係想鮮味保留蟹殼內)

之後開始送上不同貝類海產，份量亦不少，好啱鍾意食海產既我。由於忙於品嚐，沒有影其他食材，先道歉。魚同蝦都唔錯，蝦係新鮮，好生猛，仲好好跳。

食完海產，之後開始送上其他配料。依到好處係唔會好急好快咁一次過送晒所有配料，佢地會留意你地速度。

其他配料冇咩特別，但我最鍾意係花膠仔，好有口感。

去到最後係加粥落去攪拌就成為精華粥。

個人意見，可以一開始加多些粥水，份量最少去到煲既三分二。因為中途加左幾次粥水，令到原本海產鮮味不斷減少 (Dilute)。相反一開始粥水份量多，煲既過程當中，隨時間過去鮮味係會不斷變濃郁 (Condense)

埋單價錢，8個人，平均都係二百多少少就食到新鮮海產既粥底火鍋絕對係抵食 !

素食煮義

近排食得較油膩，適時要清一清腸胃。
今次去銅鑼灣「悠蔬食」，要訂位先，因為店內爆滿，但店舖細會坐得較迫。

訂左位都要等多15分鐘先有入得去，可想而知有幾爆滿。

今晚食佢地既 Dinner Set。

上: 頭盤有胡麻瓜絲粉皮(右)，泰式柚子沙律(中)，陳皮醬燒百靈菇(左) - 建議由粉皮食先之後沙律最後百靈菇。估唔到幾好食 !
下: 茶樹菇黃耳燉湯 - 足料 !!! 但由於食素關係，飲落去會清甜，加左肉當然會有膠質感。燉湯唔一定要落肉先好飲既。依到同樣好飲。

蘆筍素香鬆苜蓿芽手卷 - 造型成個日式手卷，好多料，冇飯，但都可以滿足 ! 但蘆筍再多d就好喇....得一條好似怪左d咁...

雜菌忌廉汁意粉 - 好似 Carbonara，好香菌味，食落去唔會漿住個口。友人話好好食 !!!

桂圓杞子菊花蜂蜜茶 - 冬天飲依種茶好正。

 法式朱古力布甸 - 依個有點伏，食落去唔滑，feel有顆粒型態。

抹茶紅豆耶汁糕 - 正常普通耶汁糕，但不夠抹茶香味。

由於兩個人食得唔多野，都知道仲有其他素食可以叫，今次推薦燉湯先。

邪惡串燒小店

早幾日大學朋友由日本旅行完返香港，當然有手信給我 !!!
兩個男人夜晚食飯當然要啤一啤佢 !!!

就去左早排有報導過既「竹一燒」去食串燒。
由於要慢慢燒，所以早d落order，如果唔係等好耐都未有得食。
仲有佢地有塊黑板會推介有咩新鮮貝類海產，有龍蝦有大扇貝等等。店員亦細心解釋，非常好。

上: 岩鹽燒安格斯一口牛 (每串$28) - 以為細細件，點知都唔細，肉質唔錯，送酒一流
下: 燒魚肉燒賣 (每串$15)

燒美國生蠔 (3隻$48) - 可選芝士、蒜蓉及辣汁。今次選了蒜蓉及辣汁。蠔燒完亦保留大量肉汁再配上蒜香，一絕 ! 辣汁可以再多少少就會較野味。

燒德國水蛇春豬肉腸 ($58) - 普通一條德國香腸

炸芝士餃子釀雞翼 (2隻$38) - 芝士份量不足，食落冇芝士感覺，亦冇芝士起絲既condition

燒大扇貝 (4隻$148) - 主角之一，大隻扇貝，可以比較旁邊隻雞翼size就合有幾大隻。食落去亦保留肉汁，唔會燒到好老，岩岩好。

燒露荀 (每份$15) - 依到已經2份........份量太少，食落有點老，覺得有點小家。

炸日式芝士年糕 ($28) - 還好有芝士慢流出來，都ok la

茄蛋吉列豬排麵 ($58) - 豬排都炸得唔錯，唔會老晒冇晒肉汁，都算厚切。

燒龍蝦 (1隻$98) - 主角之二，龍蝦肉不算厚肉，但都唔錯喇，兩個人食一隻燒龍蝦wor。

燒巨咖啡菇釀煙肉芝士 ($28) - 有趣，好香煙肉芝士味。

最後再配上4支Asahi ($25細支裝)，好有日式居酒屋既感覺。
賣單$790，推薦既係海鮮貝類，燒巨咖啡菇釀煙肉芝士。

環境、食物及藝術一身的日本菜

再次黎到荔枝角D2 Place，都係貪佢唔會好多人去，我很怕好多人又迫的地方去食飯。

今次去了鮨芸館 Sushi Geikan，位於D2 Place 3樓的盡頭位置。

環境係全開放式設計，一邊係幾傳統日式好家庭feel既坐位，一邊係正常普通坐位，又有吧枱，各式各樣比大家選擇。仲有一幅 Feature Wall 係貼有不同人客的畫。枱面有顏色筆可以畫顏色，又食又畫。成個感覺係好舒服唔係一個只食完日本菜快快走既地方。

精緻的食具

可以自己選擇喜歡的茶杯係一個唔錯既 Idea

一大張吧枱可以同師傅交流

佢地Menu都好有設計，整得幾靚。Menu如下:

叫左以下幾樣:

清酒煮蜆 $88 - 蜆肉大隻，冇沙，鮮甜，唔會煮老左，剛剛好。我食過唔同地方既清酒煮蜆，暫時只有依到係好食 !!!

天婦羅盛合 $108 - 一共8件，包括有蝦、洋蔥、茄子、蕃薯、青椒。炸粉唔厚，食落去唔會油林林，仲有蝦係新鮮又肉質好。

芸刺身盛盒 $288 - 一共7款，外型好正，成個藝術品。有三文魚、帶子、蝦、火炙拖羅、赤貝，其他兩樣魚唔清楚(可能係鯛魚、立魚)。唔係薄切魚生，有一定厚度。而火炙拖羅咬落去就溶化，超好食。帶子係 Jumbo Size，厚肉鮮甜。刺身款式亦會因應當天有咩魚生就比你，新鮮度爆分。

必要推介比大家 !!! 

彩虹卷 $98 - 一共6件不同壽司，不同魚生配上牛油果，再點上魚籽。又一件藝術品 !

流水蕎麥麵 $88 - 成部流水機上枱，又食又玩，好有趣。一上枱其他人客都望，好型 !! 蕎麥麵咬口有彈性，配上個冷麵汁，好食。

個人推介 : 芸刺身盛盒、流水蕎麥麵

輕食Fusion

2015年最後一日的晚上，與幾位朋友到金鐘倒數。事前一早買好一枝酒作2016年第一日飲。

倒數前，朋友們話中環有一間輕食店唔錯，想帶我去試一試。

店名是Green Waffle Diner

一間位於近 Soho 地方，店外沒有特別裝飾，都幾容易miss out



入到去已經有好多人(差不多滿座)，店內估計可以容納到20個人，店內有很多不同裝飾，有一塊Feature Wall種滿植物，坐位都舒服。Waiters都好nice，上菜加水速度好快，又同食客有交流，好親民。

份Menu都整得幾整齊，顏色又幾搶眼。

叫左以下幾樣野:


Salad Lyonnaise (水煮蛋火腿雜菜沙律配黑醋沙律汁) $90

依個沙律有d似 Caesar Salad加火腿再加多一隻poached egg。



隻水煮蛋都Ok，但可以再生多dd，切落去蛋黃可以再自然d流出來仲好。味道上唔會太酸，作餐前沙律都唔錯。


Smoked Salmon and Drill Cream Linguine (煙三文魚刁草意粉) $94
味道出奇地酸酸地又幾好食，當中會食到有些少檸檬皮絲，唯獨三文魚份量不足，但好奇怪係waiter比左圓匙放在碟內，如何用匙食意粉?


Country Brunch Skillet (煙肉薯粒鑊仔) $90
成隻鑊上枱，裡面包括有煙肉、薯粒、青椒、表面有芝士同蛋。味道上略淡，自己可以落些少Tabasco較好。面頭的芝士份量不多，鑊底較油膩，食到最後自己覺得較膩。



Fish & Chips $102

魚剛炸完都可以保留嫩滑，外表好脆，唔錯，但要自己另外加黑胡椒碎會似樣d。再配上檸檬他他source就好似去左外國食 fish & chips。


明白店名有 Waffle，當然 Waffle 係佢地主打，但由於比碟油林林薯粒食飽左，所以冇叫到。

惟有下次先叫喇。



4樣食物當中我會推介 Fish & Chips。食落去唔會油，好脆，魚又嫩滑，配啤酒一流。