環境、食物及藝術一身的日本菜

再次黎到荔枝角D2 Place，都係貪佢唔會好多人去，我很怕好多人又迫的地方去食飯。

今次去了鮨芸館 Sushi Geikan，位於D2 Place 3樓的盡頭位置。

環境係全開放式設計，一邊係幾傳統日式好家庭feel既坐位，一邊係正常普通坐位，又有吧枱，各式各樣比大家選擇。仲有一幅 Feature Wall 係貼有不同人客的畫。枱面有顏色筆可以畫顏色，又食又畫。成個感覺係好舒服唔係一個只食完日本菜快快走既地方。

精緻的食具

可以自己選擇喜歡的茶杯係一個唔錯既 Idea

一大張吧枱可以同師傅交流

佢地Menu都好有設計，整得幾靚。Menu如下:

叫左以下幾樣:

清酒煮蜆 $88 - 蜆肉大隻，冇沙，鮮甜，唔會煮老左，剛剛好。我食過唔同地方既清酒煮蜆，暫時只有依到係好食 !!!

天婦羅盛合 $108 - 一共8件，包括有蝦、洋蔥、茄子、蕃薯、青椒。炸粉唔厚，食落去唔會油林林，仲有蝦係新鮮又肉質好。

芸刺身盛盒 $288 - 一共7款，外型好正，成個藝術品。有三文魚、帶子、蝦、火炙拖羅、赤貝，其他兩樣魚唔清楚(可能係鯛魚、立魚)。唔係薄切魚生，有一定厚度。而火炙拖羅咬落去就溶化，超好食。帶子係 Jumbo Size，厚肉鮮甜。刺身款式亦會因應當天有咩魚生就比你，新鮮度爆分。

必要推介比大家 !!! 

彩虹卷 $98 - 一共6件不同壽司，不同魚生配上牛油果，再點上魚籽。又一件藝術品 !

流水蕎麥麵 $88 - 成部流水機上枱，又食又玩，好有趣。一上枱其他人客都望，好型 !! 蕎麥麵咬口有彈性，配上個冷麵汁，好食。

個人推介 : 芸刺身盛盒、流水蕎麥麵

Rustico

荔枝角，對我黎講係一個工廠地區，但經過好多年城市發展後，慢慢成為一個有特色食店的一個小區。

今晚就去了 Rustico 去試一試佢地西班牙菜。

地點不難發現，十分近MTR，店外設計成外國的小店。
一早已經訂位，由於平日關係，放工去到都不會有好多人，我相信係依區放工後黎依到Happy Hour都有唔少。所以，訂位會好過 Walk-in。

點了以下幾款 :

新鮮生蠔: 下面2隻開始順時針數: American Pearl $40, Dungarvan $42, Clevedon $33, Scottish Rock $33
White Classic Sangria $270

新鮮的確新鮮，完全不落檸檬蕃茄醬。個人喜愛 Dungarvan 同 Clevedon，味道不會太甜太鹹。Scottish Rock 味道不夠出色，Waitress問我生蠔如何，我亦分享少少意見。

Chorizo $68

 辣肉腸，有些少微辣，醒胃。

Seafood Paella $165

西班牙菜又點會唔少得，依個係冇落番紅花，唔知佢地有冇依個選擇 ?? 飯粒好食，完全係生炒，因為食到飯粒中間還有硬的口感。唔會食到 " 林pat pat"

Beef Tagliata $245

Beef Tagliata 配上蘑菇芝士沙律

牛扖係 Medium Rare，好嫩好食，個沙律又可以清清喉嚨，不錯。

Overall, I will recommend those who want to have a semi-fine dining style.
The waiters and waitresses are very helpful to recommend and answer your questions.