素食煮義

近排食得較油膩，適時要清一清腸胃。
今次去銅鑼灣「悠蔬食」，要訂位先，因為店內爆滿，但店舖細會坐得較迫。

訂左位都要等多15分鐘先有入得去，可想而知有幾爆滿。

今晚食佢地既 Dinner Set。

上: 頭盤有胡麻瓜絲粉皮(右)，泰式柚子沙律(中)，陳皮醬燒百靈菇(左) - 建議由粉皮食先之後沙律最後百靈菇。估唔到幾好食 !
下: 茶樹菇黃耳燉湯 - 足料 !!! 但由於食素關係，飲落去會清甜，加左肉當然會有膠質感。燉湯唔一定要落肉先好飲既。依到同樣好飲。

蘆筍素香鬆苜蓿芽手卷 - 造型成個日式手卷，好多料，冇飯，但都可以滿足 ! 但蘆筍再多d就好喇....得一條好似怪左d咁...

雜菌忌廉汁意粉 - 好似 Carbonara，好香菌味，食落去唔會漿住個口。友人話好好食 !!!

桂圓杞子菊花蜂蜜茶 - 冬天飲依種茶好正。

 法式朱古力布甸 - 依個有點伏，食落去唔滑，feel有顆粒型態。

抹茶紅豆耶汁糕 - 正常普通耶汁糕，但不夠抹茶香味。

由於兩個人食得唔多野，都知道仲有其他素食可以叫，今次推薦燉湯先。