歡聚的三姐廚房私房菜

私房菜，係我其中一樣最想去食去試既。

觀塘南，一個工商業地區既地方都有私房菜，點都要試一試。
之前已經訂好位及人數，菜式都決定好。


先黎前菜:

涼拌萵筍絲 （左）

川味手拍青瓜（右）

涼拌萵筍絲 （左）- 好爽口，唔錯。

川味手拍青瓜（右）- 唔夠川味，都冇拍過，只可以叫有辣味浸青瓜。

有機沙律菜伴芝麻醬

個芝麻醬唔夠香但有Mix過些少辣汁可以醒胃。都Ok la

茶燻流心蛋伴黑魚子醬配厚切茄子

隻蛋茶燻香味隱隱地飄出黎，但唔可以叫流心蛋，應該叫醣心蛋。魚子醬一般，作點綴用途，下面茄子好香。好食。

原盅燉川貝陳皮海底椰鱷魚肉湯

好足料，又大盅，唔錯。

開始主菜:

嬉水芙蓉

上面帶子煎香，爽口。下面用蛋白蒸好做底，非常滑，上面黃色係雞蛋汁，淡淡清香。黃色雞蛋汁我試左好幾次先試到個味。

清蒸魚

上菜時話8成熟，叫我地唔好食中間，但我覺得蒸魚要一點紅先係最好。


黃金秘制香辣私房大肉蟹

隻蟹好鮮，嫩，滑。重點係隻醬配多士，好香，好正。

野菌溫室小南瓜

老字號話梅王雞

隻雞煮得幾滑

魚湯浸溫室菜苗

魚湯幾好飲

糖心黑蒜炒飯

飯粒炒至乾身，淡淡蒜香，好食。

炸香芋湯圓

外表好脆，芋香味好出

仲有雪糕食

每人$288，免茶錢（如比現金），食得都好滿足。


地點不太難搵到，但離開就要麻煩D，因為正門會閂左。

堂泰海鮮菜館

收到大學同學 Whatsapp，話不如食飯，就黎一個 Ad-hoc Dinner。

由於兩條佬對食可以好高要求，又可以冇咩要求。咁好天氣凍，就去左廟街食煲仔飯。

真係好求其見到有位就去食，今次係去左 " 堂泰海鮮菜館 "

滷味拼盤 $140

滷水不會太鹹，味道還好，用芽菜做底都幾吸味。唯拼盤既肉不太入味。

時菜大蜆湯 $95

時菜大蜆湯，個名真係好呃得下人。個湯沒有蜆的鮮甜味，只是豆腐菜湯的感覺。大蜆都不是很大，普通Size，仲要好似分開煮完再放入湯的感覺。因為蜆已經沒有味了。

豉椒排骨煲仔飯 $60

只是一個好普通的排骨飯，亦可以話酒樓既蒸排骨飯仲好味過佢。味道一般，唔入味。

窩蛋牛肉煲仔飯 $60

依個飯好味過頭先既飯，但都唔夠入味。

總結

煲仔飯一定要夠香，有些少飯焦，豉油要炒過。但依兩個飯都完全欠缺。完全沒有煲仔飯既風味。

堂泰海鮮菜館 ，我就唔會 Recommend 比大家。

Wooloomooloo Prime TST

想去一些較好環境好氣氛既地方去Enjoy Fine Dining，決定去 Wooloomooloo Prime @ The One
要早Booking同要求坐窗口邊，如果唔係就浪費晒個夜景。

首先餐前Bread & 小點 - 小點係小型既 meat tart

餐前小點

之後就先食個Starter 

Seafood Cocktail Salad $175

Seafood Cocktail Salad - 我極力推介，因為個味道好正，少少酸，好醒胃，加上個Salad有八爪魚，大蝦，食落爽甜。

Smoked Tasmanian Salmon $180

Smoked Tasmanian Salmon - 作為Starter都係一個不錯既選擇。Smoked Salmon 好似食唔出有 Smoke 過既味。

Main Course - DA Sirloin (Australian)

DA 150-day Australian Sirloin 12oz

Sirloin 150-day DA - DA之後個味道好濃郁，因為DA，肉質咬落去會好有口感。再落Shiraz會feel到spice 會有少少辣既感覺。加上配備 4款source 同 waitress 手上都有extra 4款既 source 比你揀。台上4款 source 由上至下為 - Mushroom，Red Wine Source，Black Pepper 同好似燒汁既梅汁。而Waitress手上既source大概都係 Mustard ，Pepper 等等既source。個人覺得Mushroom同紅酒source 同依塊DA Sirloin 好 Match。不過我較為喜歡都係原味。經過Grill左既DA Sirloin，外表剛剛脆，又不會令肉汁過度流失。先食原味，知道原味既感覺才開始配搭不同既Source。

到最後又點少得甜品作美好完結呢。

Raspberry Napoleon $95

Raspberry Napoleon - 個吉士好正，唔會非常甜。餅皮唔會好易碎，依塊餅皮硬左些少，要用力先可以切開 (但我 Prefer個餅皮厚得黎又易切開)

Souffle $110

Souffle - 蛋白味好香，加上 Passion Fruit 醬，酸酸甜甜，亦可以推介大家，相信依個 Souffle 作為成餐的結束會係好好選擇。

Shiraz $750

Shaw & Smith Shiraz 2013 - 酒價比出面會貴左，依隻Shiraz 係 Easy to Drink，Not much tannin，Floral Aromatics，Dark red berries color。同DA Sirloin 會幾Match，飲完之後個Spice 既感覺會好出好強烈。唔知市面邊到有得賣依隻酒 ?

Table 18

終於有時間可以坐底去出post。

大學同學朋友間又一聚會，去 Table 18 食野，酒吧加食德國菜地方。由於各自叫菜，或者咁講都好似網上咁話 " is is but but " 因為重點唔係食物方面，係人情關係的延伸，話晒10幾年同學，又開始各有各家庭。Anyway，講返我對 Table 18既感覺。

Wine List

首先小食併盤，同蝦沙律。

芒果蝦沙律

蝦很爽，又大隻。都算抵食。

小食併盤

小食併盤內有炸魷魚，薯條，雞翼。似西式但又有中式煎雞翼style

Hawaii Pizza

Hawaii Pizza - Typical pizza with seafood and cheese

Half Ribs 由於手快有手慢冇既關係，一上台就分晒，未有機會影到相...........但我可以推介佢比大家，佢個source 微辣，有香味，好味 !!!

由於夠時間交台，但走個時，成個場又唔係好多人，又冇人出面等台，其實為咩咁快趕人走? 服務方面有進步空間。