火車車卡Feel的Burger

中環半山區，一個洋多過華既地方，同事帶我去舊中區警署附近試下Burger

店內係火車車卡既設計，店名係 Burger Circus

Burger 叫左 The Circus Burger and The Magician's Maytag Blue

仲有小食 Onion Rings, Green Salad and Buffalo Wings

飲Strawberry Milkshake and House-made Cola Soda

Burger 用上5oz Beef ( but overall too dry, not juicy, 食落個 feel 麻麻地 )

其他小食都中規中矩

Bordeaux Red - Saint Emilion

This time, I prefer to make my wine list of Saint Emilion Region

Bordeaux Red Wine: usually Cabernet Sauvignon blends with Merlot

This wine - Clos Fourtet 2006 (1er Grand Cru Classe), 90% Merlot, 10% Cabernet Sauvignon
可以feel到依支酒 Tannin 唔係好重，飲落去會順滑

一開支酒，deep ruby red  color，飲落去，好順滑，tannin軟，聞落去好香，初時花香，過多一個鐘就聞到朱古力香。依支好好飲 !!!

http://www.closfourtet.com/download/closfourtet_2006_en.pdf

White Wine - 法國5月

記得之前法國5月節，係灣仔有一個 Wine Gallery Event

入場費平又有杯送又可以試酒，一個字，抵 !!!

試左好多白酒 (有 Chablis Grand Cru, Riesling, Pinot Gris, Sauvignon Blanc, Gewurztraminer) 紅酒都有

因為今次唔係有出名酒莊，但唔緊要有酒試就得

最後我覺得依支白酒好香好飲，價錢平，$120，兩個字，抵飲 !!!

Chateau de Saint Cosme Cotes du Rhone Blanc 2014 (Rhone France, 法國隆河區)

好香, Tropical fruit, floral aromas 

星空奇遇歡樂夜

今次去一個以前讀書的地方 - 大角咀，大角咀變化好大，多左好多不同小店 (主要係酒吧區)
今晚去食 1kg 既帶骨肉眼扖 (Rib Eye With Bone)

小店內亦有其他手工啤酒，係一個放工可以 Happy Hour 既地方。加上店員非常好傾，分享啤酒的特式，多左一份親切感。

Menu如下:

叫左1kg Steak，龍蝦三文治，水牛城辣雞翼，凱撒沙律，龍蝦湯。

凱撒沙律 ($62) - 巴瑪臣芝士幾香，幾好食

水牛城辣雞翼 ($68) - 辣味唔會一下就出現，係會中途先出現，雞翼都入味唔會乾晒，佐酒一流

龍蝦湯 ($65) - 好香龍蝦味，飲落去會覺得龍蝦味會重左少少，但唔係好鹹，都唔錯。

龍蝦三文治 ($375) - 用上波士頓龍蝦去整，食落去龍蝦肉爽彈牙，配上芝士同醬料一齊食，好正 !!!

1kg 美國Rib Eye With Bone ($680) - 超過手掌咁大既 Steak，霸氣出場 !!! 煮到Medium程度，食落去有肉味但未夠濃，有咬口，以$700唔洗有1kg既 steak，個性價比都唔錯。

有好多款選擇。有些係淡味，有些甜味較重。但推薦大家係月亮黑啤，唔會苦，飲完會有微甜既after taste。
請繼續支持本地香港小店

窩心的鍋心粥底火鍋

又係時候來個大學同學聚會。
天氣有些少凍，一大班人食個粥底火鍋係一個唔錯既選擇。
今次地點係佐敦鍋心粥底火鍋，一去到門口已經有好多人等位。唔一早Book就可能要去好夜先有位。

聽同學講依到個食法很特別，要跟住Step 去做先好食。但對我黎講，點煮點食係我話事。

依張係自選Menu
頭兩樣係已經準備。時令海鮮係每日不同。今次有蛤公、鮑魚、魚蝦蟹同埋蚌。
由於有2個爐，所以可以叫到10款配料。
叫左: 雞骨丸、黑毛豬腩片、肥牛、貢丸、花膠仔、魚腐、魚片頭、王芽白菜、魚皮餃同埋響鈴。

未食之前，送上一小盤沙律。麻醬略為不足，香味不足。

食完沙律之後送上粥水作為火鍋湯底同埋為最後海鮮精華粥作準備。個煲可以放心，因為唔會有煲燶粥既情況出現，但都要時不時攪動一下個底。

跟住主角陸續出場 !!!

大大隻既蟹 !!! (完隻冇整碎蟹殼，原因係想鮮味保留蟹殼內)

之後開始送上不同貝類海產，份量亦不少，好啱鍾意食海產既我。由於忙於品嚐，沒有影其他食材，先道歉。魚同蝦都唔錯，蝦係新鮮，好生猛，仲好好跳。

食完海產，之後開始送上其他配料。依到好處係唔會好急好快咁一次過送晒所有配料，佢地會留意你地速度。

其他配料冇咩特別，但我最鍾意係花膠仔，好有口感。

去到最後係加粥落去攪拌就成為精華粥。

個人意見，可以一開始加多些粥水，份量最少去到煲既三分二。因為中途加左幾次粥水，令到原本海產鮮味不斷減少 (Dilute)。相反一開始粥水份量多，煲既過程當中，隨時間過去鮮味係會不斷變濃郁 (Condense)

埋單價錢，8個人，平均都係二百多少少就食到新鮮海產既粥底火鍋絕對係抵食 !

素食煮義

近排食得較油膩，適時要清一清腸胃。
今次去銅鑼灣「悠蔬食」，要訂位先，因為店內爆滿，但店舖細會坐得較迫。

訂左位都要等多15分鐘先有入得去，可想而知有幾爆滿。

今晚食佢地既 Dinner Set。

上: 頭盤有胡麻瓜絲粉皮(右)，泰式柚子沙律(中)，陳皮醬燒百靈菇(左) - 建議由粉皮食先之後沙律最後百靈菇。估唔到幾好食 !
下: 茶樹菇黃耳燉湯 - 足料 !!! 但由於食素關係，飲落去會清甜，加左肉當然會有膠質感。燉湯唔一定要落肉先好飲既。依到同樣好飲。

蘆筍素香鬆苜蓿芽手卷 - 造型成個日式手卷，好多料，冇飯，但都可以滿足 ! 但蘆筍再多d就好喇....得一條好似怪左d咁...

雜菌忌廉汁意粉 - 好似 Carbonara，好香菌味，食落去唔會漿住個口。友人話好好食 !!!

桂圓杞子菊花蜂蜜茶 - 冬天飲依種茶好正。

 法式朱古力布甸 - 依個有點伏，食落去唔滑，feel有顆粒型態。

抹茶紅豆耶汁糕 - 正常普通耶汁糕，但不夠抹茶香味。

由於兩個人食得唔多野，都知道仲有其他素食可以叫，今次推薦燉湯先。

邪惡串燒小店

早幾日大學朋友由日本旅行完返香港，當然有手信給我 !!!
兩個男人夜晚食飯當然要啤一啤佢 !!!

就去左早排有報導過既「竹一燒」去食串燒。
由於要慢慢燒，所以早d落order，如果唔係等好耐都未有得食。
仲有佢地有塊黑板會推介有咩新鮮貝類海產，有龍蝦有大扇貝等等。店員亦細心解釋，非常好。

上: 岩鹽燒安格斯一口牛 (每串$28) - 以為細細件，點知都唔細，肉質唔錯，送酒一流
下: 燒魚肉燒賣 (每串$15)

燒美國生蠔 (3隻$48) - 可選芝士、蒜蓉及辣汁。今次選了蒜蓉及辣汁。蠔燒完亦保留大量肉汁再配上蒜香，一絕 ! 辣汁可以再多少少就會較野味。

燒德國水蛇春豬肉腸 ($58) - 普通一條德國香腸

炸芝士餃子釀雞翼 (2隻$38) - 芝士份量不足，食落冇芝士感覺，亦冇芝士起絲既condition

燒大扇貝 (4隻$148) - 主角之一，大隻扇貝，可以比較旁邊隻雞翼size就合有幾大隻。食落去亦保留肉汁，唔會燒到好老，岩岩好。

燒露荀 (每份$15) - 依到已經2份........份量太少，食落有點老，覺得有點小家。

炸日式芝士年糕 ($28) - 還好有芝士慢流出來，都ok la

茄蛋吉列豬排麵 ($58) - 豬排都炸得唔錯，唔會老晒冇晒肉汁，都算厚切。

燒龍蝦 (1隻$98) - 主角之二，龍蝦肉不算厚肉，但都唔錯喇，兩個人食一隻燒龍蝦wor。

燒巨咖啡菇釀煙肉芝士 ($28) - 有趣，好香煙肉芝士味。

最後再配上4支Asahi ($25細支裝)，好有日式居酒屋既感覺。
賣單$790，推薦既係海鮮貝類，燒巨咖啡菇釀煙肉芝士。