環境舒適服務好的中菜館

又係大學同學聚會，今晚去尖沙咀麽地道63號好時中心地下，名叫<嚐中菜坊>

店內環境舒服，佈置有些少懷舊感覺。


見到有個每位$188個套餐，有6樣菜仲附上甜品，十分吸引 !!! 忍不住叫左依個餐，再on top加多幾款菜。

燕窩蘭香籽鮮蟹肉冬茸羹 - 個質感唔係好sticky，蟹肉係爽口，作為第一道菜清洗口腔先。

爆炸可樂义燒 - 上菜前，侍應把汁(應該係可樂)淋上义燒同鐵板，义燒鬆軟，入味又香。可以的話，我想 Encore !!!

美國龍蝦芝士燴伊麵 - 半隻龍蝦，龍蝦肉爽，芝士香味撲鼻。

黑椒鹹豬手煲 - 依個on top 加，豬手好腍，微辣，配上洋蔥既微甜，Balance晒，正。

黑松露珍珠蠔 - 蠔就冇咩juicy感覺，只有黑松露香

懷舊鬼馬龍皇卷 - 依個係on top加，食落去好似蝦膠，其實唔知有幾鬼馬呢？

西班牙火腿浸時蔬 - 菜好甜，好食

冬蔭功脆魚扒 - 魚大大塊又好脆，肉質又保持嫩滑，好正，個冬蔭功汁微辣，唔錯。

藍莓鮮奶凍 - 重奶味，唔錯。